今個夏天真係奇跡，竟然打左３次風，每一次都有假放，頭一次風神，個名何其響，不過只係放左朝早半日，跟住八月六日又打，放一日，今日又打，放一日之餘，重勁左一級．．．古人有解天像之習．．．等我都作狀模仿一下先．．．

　　近年ｏ來，港人工時有增冇減，人人有 OT　開．．．累不堪言，真係聽者傷心，聞者流淚！　正所謂人在做，天在看．．．有政治團體或黨派已醒覺到，工時太長了，須要鼓吹立法規限最長工時，當然而家重未成功啦．．．

　　天機向來都好隱蔽，唯智者可見一二而已！　今個夏天，就派遣風神，率領佢ｏ既左右，隨手挖他媽的三兩下，等大家都放下假．．．放左２日半，叫做兩個月減少左有２０　工時了（以一日８小時計，唔計OT)，正是神都知道世道艱難，要出手了．．．

　　呢個講法，很合邏輯吧！　雖不至於無械可擊．．．（下刪五百字真言）
　　醒目有遠見的顧主，係時候ｐｌａｎ下如何減少員工工時了．．．例如係五點半在公司範圍內發出員工廣播：「各員工注意，各員工注意，而家距離放工時間，只有半個鐘，大家儘力做得幾多得幾多，到時到候就自已醒水，放工大吉」，到五點五十五分再廣播：「各員工注意，五分鐘後公司大門上鎖，息燈息冷氣息埋電腦，快準備走人，過時自誤。多謝大家今日ｏ既努力，祝大家放工愉快！」

　　天機已經暗現，係時候順天而行啦～　如果唔係，逆天而行，人神共憤啊！